आज दलबलसहित अदालतमा हाजिर हुँदै रवि

सुप्रिम बचत तथा ऋण सहकारी संस्था लिमिटेडको रकम हिनामिना प्रकरणका अभियुक्त राष्ट्रिय स्वतन्त्र पार्टीका अध्यक्ष रवि लामिछाने आज बुधवार रुपन्देही जिल्ला अदालतमा उपस्थित हुँदैछन् ।

कानुन व्यवसायीसहित हिजो रुपन्देही आएका लामिछाने देवकोटा चोकको ग्यालेक्सी होटलमा बसेर पार्टी कार्यकर्ता र कानुन व्यवसायीसँग छलफल गरिरहेका छन् ।

पत्नी निकिता,चार जना वकिल र पार्टीका केही केन्द्रीय नेतासहित आएका लामिछानेको मुद्धाको आज पेशी रहेको छ । आजै थुनछेक बहस शुरु हुनेछ । उनीबिरुद्ध आइतवार रुपन्देही जिल्ला अदालतमा मुद्धा दायर भएको थियो । गोर्खा मिडिया नेटवर्क प्रा.लि.का तत्कालिन प्रबन्ध निर्देशक लामिछाने, अध्यक्ष जिबी राई,उपाध्यक्ष छविलाल जोशीसहित २२ जनामाथि संगठित अपराध गरी सहकारी ठगी तथा सम्पत्ति शुद्धीकरण कसुरमा मुद्धा दायर भएको छ । 

पुरक अभियोगको रुपमा १७ जना अभियुक्त थपिएका छन् । प्रकृया पुरा नगरी दुई करोड रुपैयाँ कर्जा लिएका लामिछानेबिरुद्ध चार करोड बढी बिगो माग भएको छ । १८३१ जना बचतकर्ताले आफूहरुको बचत रकम हिनामिना भएको जाहेरी दिएपछि सुप्रिम सहकारीको ठगी प्रकरण बाहिर आएको हो ।

यसअघि गत बैशाख ३ मा जिबी राईसहित २८ जनामाथि १ अर्ब २ करोड बिगो राखी सहकारी ठगी मुद्धा दायर भएको थियो । सोही मुद्धाको पुरक अभियोगको रुपमा १७ जना अभियुक्त थपिएका छन् ।

प्रकृया पुरा नगरी दुई करोड रुपैयाँ कर्जा लिएका लामिछानेबिरुद्ध चार करोड बढी बिगो माग भएको छ । १८३१ जना बचतकर्ताले आफूहरुको बचत रकम हिनामिना भएको जाहेरी दिएपछि सुप्रिम सहकारीको ठगी प्रकरण बाहिर आएको हो ।गोर्खा मिडियामा सहकारीबाट १४ करोड रुपैयाँ अवैध रुपमा पठाइएको छ । 

होटल परिसरमा जमघट भएका समर्थकलाई लामिछानेले सत्ताको दम्भ देखाएर दुःख दिइरहेको तर आफू निर्दोष रहेको बताएका छन् ।

काठमाण्डौंमा भएको नाराबाजी र कानुन व्यवसायीमाथिको आक्रमणले पार्टीलाई बदनाम गराएको तर कानुन व्यवसायीमाथि आक्रमण गर्नेहरु सत्तारुढ काँग्रेसकै कार्यकर्ता भएको भन्दै लामिछानेले त्यस्ता क्रियाकलाप नहोस् भनेर सतर्क रहन,नाराबाजी नगर्न कार्यकर्तालाई सम्झाएको बताइएको छ ।