जहाजमा जब महिलाको कपाल तान्ने दुस्साहस गरियो

अमेरिकी अलास्का एअरलाइन्सको एउटा उडानमा यात्रारत पुरुष यात्रुलाई महिलाको कपाल तानेपछि मुक्का प्रहार गरिएको छ । अघिल्लो सिटमा रहेकी महिला यात्रुको कपाल सिट बाहिर आएको र आफूलाई असजिलो भएको जनाउँदै तानेका पुरुषले जति आग्रह गरे पनि नछाडेपछि विमानका पुरुष परिचारकले उनको मुखमा मुक्का हानेका थिए ।

क्यालिफोर्नियाको अकल्याण्डबाट ओरेगनको पोर्टल्याण्ड जाँदै गरेको उक्त एअरलाइन्सको उडान नम्बर २२२१ मा भएको हानाहानको भिडियो सामाजिक सञ्जालमा व्यापक भएको छ । घटना अघिल्लो आइतबार स्थानीय समय बिहान साढे १० बजे भएको बताइन्छ । भिडियोमा महिलाको कपाल लुछिरहेका पुरुष यात्रुले हात नझारेसम्म अनुहार र घाँटीमा परिचारकले प्रहार गरेको देखिन्छ ।

वायुसेवा कम्पनीले ती पुरुष यात्रुलाई उक्त कम्पनीको उडानमा प्रतिबन्ध लगाइदिएको छ । उडान रद्ध गर्दै विमान अकल्याण्ड विमानस्थलमा रोकिएपछि ती पुरुष यात्रुलाई पक्राउ गरिएको थियो । पीडित महिलाका अनुसार आफ्नो कपालले पछाडिको सिटमा बस्नेलाई कुनै बाधा नपुर्याए पनि उनले एक्कासी चुल्ठोमा बेस्सरी अँठ्याएका थिए ।