एलिनाको निश्कर्ष : शारीरिक मिलन मात्रै विवाह होइन रहेछ

एलिनाको निश्कर्ष : शारीरिक मिलन मात्रै विवाह होइन रहेछ

गायिका एलिना चौहानले आजदेखि श्रीमान विष्णु सापकोटासँग औपचारिक रुपमा छुटिट्एको बताएकी छन् । सामाजिक सञ्जालमा लेख्दै आजदेखि दुबै जनालाई आफ्नो बाटो लाग्न कानुनी रुपमा खुल्ला भएको उल्लेख गरेकी छन् ।

लेखिएको छ, ‘प्रिय विष्णु, आजदेखि स्वतन्त्र भएर कानुनी रूपमै आ–आफ्नो गन्तव्य तय गर्न बाटो खुलेको छ । हाम्रो सम्बन्धमा अल्पायुमै पूर्णविराम लागेको छ । यो रहरले होइन । जुन बाध्यता तिमी, मलाई र भगवानलाई मात्र थाहा छ ।’

गत वैशाखमा विवाह बन्धनमा बाँधिएको यो जोडीको १० महिना नपुग्दै सम्बन्ध विच्छेद भएको हो । प्रेम सम्बन्धदेखि विवाहपछिका केही रमाइला पलबारे एक एक गरेर भावुकतापूर्ण सन्देश लेखेकी छन् । 

एलिनाले सम्बन्ध विच्छेदको औपचारिक जानकारी गराउँदै लेखेकी छन्, ‘तिम्रा नाममा लगाएका हातभरीका चुरा अनि छिनछिन आवाज अझै उस्तै छन् । हामीलाई दुईबाट एक बनाएको सेतो लगनको गाँठो अझै उस्तै छ । वडा कार्यालयमा गएर बनाएको हाम्रो विवाह दर्ताको प्रमाणपत्र अझै उस्तै नयाँ छ । तर फेरा, चुरा, सिन्दुर, लगनगाँठो, विवाहदर्ता र शारीरिक मिलन मात्रै विवाह होइन रहेछ । 

पूर्वपतिलाई शुभकामना पनि दिएकी छन् । ‘तिमीलाई बाँकी जीवनको धेरै धेरै शुभकामना विष्णु’ एलिनाले उल्लेख गरिन् ।

टिप्पणीहरू