कतारी मरुभूमिमा भएभरका झापाली जुटेर वनभोज

झापाली समाज कतारको वनभोज कार्यक्रम सम्पन्न भएको छ । इस्लाम धर्मावलम्बीको महान् चाड हिजो ईदको अवसर पारी दोहास्थित समाल रोडअन्तर्गत ६६ नम्बर बृज लेफ्ट साइडको प्राकृतिक मजरामा वनभोज कार्यक्रम सम्पन्न भएको हो । 

वनभोज कार्यक्रमको शुभारम्भ प्रमुख अतिथि कोशी समन्वय परिषद् कतारका अध्यक्ष पवनकुमार घिमिरेले गरेपछि नेपाली राष्ट्रिय गान बजाइएको थियो । समाजका अध्यक्ष चनिलाल राजवंशीले कार्यक्रमको अध्यक्षता गरेका थिए भने प्राविधिक संयोजक महासचिव विमल भारती तोकिएका थिए । यस्तै, सचिव शारदा भुजेलले कार्यक्रम सञ्चालनको सम्पूर्ण काम गरिन् । 

समाजका अनुसार कार्यक्रममा विविध सांस्कृतिक,सांगीतिक तथा नृत्य प्रस्तुत भएको थियो । आमन्त्रित कतारस्थित विभिन्न सामाजिक संघसंस्थाका प्रतिनिधिले वनभोज कार्यक्रममा रमाइलो गर्दै समाजले नेपालको शिक्षा, स्वास्थ्य र सामाजिक क्षेत्रमा पुर्याएको योगदानबारे प्रशंसा गरेको जनाइएको छ । 

कार्यक्रममा भारतीय नागरिक भए पनि झापाली समाज तथा अन्तर्राष्ट्रिय झापाली समाजलाई आर्थिक,भौतिक र नैतिक रुपमा योगदान पुर्याएका अनुप जोलीलाई मायाको चिनो प्रदान गरिएको थियो । स्वागत झापाली समाजका उपाध्यक्ष गणेश दुलालले गरेको अवस्था हो ।