इदका दिन पौने दुई सय नेपाली कैदीलाई विदेशमा राहत

संयुक्त अरब इमिरेट्स (यूएई) ले डेढ सय बढी नेपाली कैदीलाई माफी दिएको छ । इस्लाम धर्मावलम्बीहरुको रमादान र इद पर्वको अवसरमा युएई सरकारले एक सय ६६ जना नेपाली कैदीलाई आममाफी दिएको छ । 

मन्त्रालयद्वारा जारी विज्ञप्तिमा उल्लेख छ, ‘पवित्र रमादान महिना र इदको पर्वको अवसरमा १६६ नेपाली कैदीलाई आममाफी प्रदान गरिएकोमा नेपाल सरकार संयुक्त अरब इमिरेट्स सरकारप्रति हार्दिक आभार व्यक्त गर्दछ ।’

नेपालीलाई यूएईले दिएको आममाफीको उच्च मूल्याङ्कन गरेको उल्लेख गर्दै मन्त्रालयले अबुधाबीस्थित नेपाली राजदूतावासमार्फत् गरिएको अनुरोधअनुरुप माफी दिइएकोले धन्यवाद व्यक्त गरेको जनाइएको छ । यसअघि कतारले पनि रमादान र इद पर्वको अवसरमा १८ जना नेपाली कैदीलाई आममाफी दिएको थियो ।