भ्रष्टाचारीलाई भेट्दा खुशी हुने माननीयद्वारा पत्रकारमाथि धम्की

भ्रष्टाचारको आरोप लागेका व्यक्तिलाई भेटेर सगौरव फेसबुकमा फोटो हाल्ने नेपाली कांग्रेसकी एक सांसदले त्यससम्बन्धी समाचार लेखेकोमा आपत्ति जनाउँदै पत्रकारलाई हप्काएकी छन् । 

जुम्लाकी समानुपातिक सांसद कान्तिका सेजुवालले माननीयको धाक लगाउँदै जनआस्थाका पत्रकारलाई आज दिउँसो टेलिफोनबाट हप्कीदप्की गरेकी हुन् । सार्वजनिक ओहदामा रहेकी उनले आइन्दा आफ्नोबारे कुनै समाचार लेखिए राम्रो नहुने धम्कीपूर्ण चेतावनीसमेत दिएकी छन् ।  

वैशाख २५ गते जनआस्था अनलाइनमा 'साँझ पारेर भ्रष्टाचारीको कोठामा किन छिरे साँसदहरु ?'  शीर्षकमा समाचार सम्प्रेषित भएको थियो । पोखरा अन्तर्राष्ट्रिय विमानस्थल घोटालामा पछिल्लो एक वर्षदेखि अख्तियारको छानविनमा रहेका र हालै संसदीय समितिबाट कारवाही सिफारिस भएका नेपाल नागरिक उड्ड्यन प्राधिकरण (क्यान) का महानिर्देशक (डिजी) प्रदीप अधिकारीलाई जुम्लाको पूर्व मेयरसहित रहेकी उनी र रास्वपा सांसद बिनिता कठायतले भेटेको विषय समाचारमा उल्लेखित छ । 

सेजुवाल आफैँले प्रदीपलाई भेटेको कुरा गर्वका साथ फोटोसहित फेसबुकमा हालेकी थिइन् । त्यसैको आधारमा बनाइएको समाचारमा भेटेको विषयबाहेक उनको अन्य भूमिकामाथि कुनै प्रश्न उठाईएको छैन । उनले आज टेलिफोन संवादका क्रममा पनि प्रदीपलाई कार्यकक्षमै पुगेर भेटेको स्वीकार गर्दै समाचार लेखिएकोमा मात्र आपत्ति जनाइन् । 

जो व्यक्ति संसदको नजरमा भ्रष्टाचारी हुन्,तिनैलाई सांसदले गोप्यरुपमा भेट्नु स्वार्थको द्वन्द्व या नैतिक हुन्छ कि हुँदैन ? मिडियाले उठाएको प्रश्न यदि गलत हो भने तथ्यसहित खण्डन गर्न सांसद सेजुवाललाई चुनौती भयो  ।

प्रत्यक्ष निर्वाचित साँसद ज्ञानबहादुर शाहीलाई पन्छाएर जुम्ला विमानस्थलका लागि बजेट मिलाइदिन डिजीसँग भेटेको उनले धम्क्याउँदा धम्क्याउँदै पनि स्वीकार गरेकी छन् । त्यसैले समाचारको तथ्यमा खण्डन गर्न नसकेपछि प्रस्तुतिमा प्रश्न उठाएर मिडियामाथि 'आक्रमण' गर्न खोजेको प्रष्ट हुन्छ । 

क्यानका डिजी प्रदीपमाथि पोखरा विमानस्थल निर्माणका क्रममा अर्बौं रकम घोटाला गरेको आरोप छ । संसदको सार्वजनिक लेखा समितिअन्तर्गत उपसमितिले उनको पद निलम्बन गरी आवश्यक अनुसन्धान तथा कारवाही अघि बढाउन अख्तियार, सम्पत्ति शुद्धिकरण विभाग र सरकारलाई सिफारिस गरेको छ । 

जो व्यक्ति संसदको नजरमा भ्रष्टाचारी हुन्,तिनैलाई सांसदले गोप्यरुपमा भेट्नु स्वार्थको द्वन्द्व या नैतिक हुन्छ कि हुँदैन ? मिडियाले उठाएको प्रश्न यदि गलत हो भने तथ्यसहित खण्डन गर्न सांसद सेजुवाललाई चुनौती भयो  । 

अर्को कुरा,समाचारमा चित्त नबुझे कानुनी उपचार खोज्ने  विकल्प खुलै छ । तर,सांसदजस्तो पदमा रहेको मान्छेले 'म माओवादीसँग लडेर आएको मान्छे हुँ,मेरो समाचार किन लेखिस्' भन्दै सञ्चारकर्मीलाई तर्साउन मिल्छ ? आफूलाई लोकतन्त्रको पर्याय दावी गर्ने कांग्रेसले जवाफ दिनुपर्ने भएको छ । 

यस्तो थियो समाचार :

बाहिर सुशासनको चर्को नारा लगाउने तर भित्रभित्र अनेक सेटिङ मिलाएर भ्रष्टचारीको संरक्षण गर्नेमा काँग्रेस-एमालेलगायत पुराना पार्टीलाई पनि माथ खुवाउनेगरी 'जान्नेलाई छान्ने पार्टी' अगाडि आएकै हो त ? सो पार्टीका एकजना सांसद भ्रष्टाचारको बात लागेका सरकारी कर्मचारीको कार्यक्षमा भेटिएपछि यस्तो प्रश्न उठेको हो । 

सहकारी काण्डमा जेल परेका रवि लामिछाने नेतृत्वको राष्ट्रिय स्वतन्त्र पार्टी (रास्वपा) को नारा नै छ जान्नेलाई छान्ने । जान्नेलाई छान्ने भन्नुको अर्थ 'राइटमेन इन राइटप्लेस' को अवधारणाअनुरुप विषय विज्ञताका आधारमा जिम्मेवारी वितरण गर्नु हो । मूलधारका राजनीतिक दल र नेतृत्वप्रति असन्तुष्ट मतदाताले गत निर्वाचनमा रास्वपाले उठाएको त्यही नारा मन पराएर घण्टीमा मत हालेका थिए ।

पोखरा विमानस्थल आयोजना प्रमुख विनेश मुनाकर्मीहरु 'प्रदीपले फसायो,अब सबैको पोल खोल्ने' हो भन्दै हिँडेको स्रोतको दावी छ ।

तर,समयक्रमसँगै रास्वपा 'नजान्नेलाई छान्ने' पार्टीमा रुपान्तरित हुँदै गरेको दृष्टान्त अनेक छन् । मूल नेतृत्व रवि स्वयंलाई चुनावमा उम्मेदवारी दिन नागरिकताको प्रमाणपत्र चाहिन्छ भन्ने न्यूनतम कुरा थाहा नहुँदा चितवन-२ मा दोहोर्याएर चुनाव गर्नुपर्यो । गैरसदस्यले सहकारीबाट ऋण लिन नपाउने कानुन आफूलाई थाहा नभएको भन्दै हिँड्ने पनि रवि नै हुन् । रास्वपाका अरु ठूलै नेताको अवस्था पनि योभन्दा फरक देखिंदैन । 

यसैबीच  सांसद विनिता कडायतले सँसदीय समितिबाटै भ्रष्टाचारको रिपोर्ट बुझाइएका नागरिक उड्डयन प्राधिकरणका महानिर्देशक (डिजी) प्रदीप अधिकारीको कार्यकक्षमै पुगेर साँझ सुटुक्क भेटेपछि 'जान्नेलाई छान्ने' पार्टी फेरि चर्चामा आएको छ । 

प्रदीप तिनै व्यक्ति हुन्,जसउपर पोखरा अन्तर्राष्ट्रिय विमानस्थल निर्माणका क्रममा सवा दुई अर्बभन्दा बढी रकम घोटाला गरेको आरोप छ । संसदीय समितिले घोटालामा संलग्न उनलाई तत्काल निलम्बन गरी छानविन अघि बढाउन निर्देशन दिएबमोजिम अनुसन्धान चलिरहेको छ । 

तर,अस्ति वैशाख २३ गते साँझ ७ बजे उनै अधिकारीको कार्यकक्षमा झुल्किएकी थिइन्, रास्वपा समानुपातिक सांसद विनिता । सिनामंगलस्थित प्राधिकरणको कार्यकक्षमा उनीसँगै कांग्रेस सांसद कान्तिका सेजुवाल र प्रदीपको भित्रिया पार्टनर भनेर चिनिएका क्षमादेवी  कन्स्ट्रक्सनका मालिक नवीन बस्नेतले गोप्य बैठक गरेको जानकार स्रोतले बताएको छ । 

जो व्यक्ति संसदको नजरमा भ्रष्टाचारी हुन्,तिनैलाई सांसदले गोप्यरुपमा भेट्नु स्वार्थको द्वन्द्व या नैतिक हुन्छ कि हुँदैन ? मिडियाले उठाएको प्रश्न यदि गलत हो भने तथ्यसहित खण्डन गर्न सांसद सेजुवाललाई चुनौती भयो  ।

संसदको सार्वजनिक लेखा समितिअन्तर्गतको उपसमितिबाट कारवाही सिफारिस भएका 'भ्रष्टाचारको नाइके' लाई सांसदजस्तो पदमा रहेकाहरुले कार्यकक्षमै पुगेर भेटेको विषय वास्तवमै गम्भीर छ । त्यसमाथि सुशासनको नारा लगाएर आएको पार्टीका माननीयसमेत भेटिएपछि यो देशका नेता र तिनको हविगत नांगिएको टिप्पणी कतिपयले गरेका छन् । 

त्यसो त,मूल नेतृत्व नै सहकारी ठगीमा मुछिएको स्थितिले पछिल्लो समय अन्य पार्टीजस्तै रास्वपामाथि पनि जनताको विश्वास र भरोशा टुटिसकेको छ । सहायक प्रवक्ता तथा सांसद मनिष झाले प्रदीपलाई जोगाउन भित्रभित्र लबिङ्ग गरिरहेको उच्च स्रोतले दावी गरेको छ । सदाचारको कुरा गर्न खप्पिस उनी लेखा समिति सदस्य पनि हुन् । मनीषले पहिले एकचोटि प्रदीपको पैसामा टिकट काटेर हवाई यात्रा गरेका विषय निकै चर्चामा थियो । 

यता,पोखरा एयरपोर्ट घोटालामा कारबाही सिफारिस भएका राष्ट्रिय गौरव आयोजनाका निर्देशक चांदमाला श्रेष्ठ,प्रशासन प्रमुख राजेन्द्रप्रसाद पौडेल,प्राधिकरणका निर्देशक ई. बाबुराम पौडेल र पोखरा विमानस्थल आयोजना प्रमुख विनेश मुनाकर्मीहरु 'प्रदीपले फसायो,अब सबैको पोल खोल्ने' हो भन्दै हिँडेको स्रोतको दावी छ ।

यो पनि...

साँझ पारेर भ्रष्टाचारीको कोठामा किन छिरे साँसदहरु ?