रविको पक्षमा डा.बाबुराम भट्टराई

पूर्व प्रधानमन्त्री तथा नेपाल समाजवादी पार्टी (नयाँ शक्ति) का अध्यक्ष डा. बाबुराम भट्टराईले राष्ट्रिय स्वतन्त्र पार्टी (रास्वपा) ले सञ्चालन गरेको हस्ताक्षर अभियानमा ऐक्यबध्दता जनाउने हुनुभएको छ । उहाँ आज दिउँसो ३ बजे बालाजु,बनस्थलीस्थित रास्वपा कार्यालय जाने कार्यक्रम छ । 

सहकारी काण्डमा अदालतको आदेशपछि जेलमा रहेका पार्टी सभापति रवि लामिछानेलाई छुटाउन रास्वपाले देश तथा विदेशमा हस्ताक्षर तथा सहयोग संकलन अभियान चलाइरहेको छ । न्यायिक प्रक्रियामा रहेको विषयलाई प्रभावित पार्न थालिएको अभियान काठमाडौं, चितवन,ललितपुर,मध्यपूर्वका युएईलगायत देशमा थालिएको हो ।

हस्ताक्षर संकलन अभियान आगामी दुई महिनासम्म प्रत्येक दिन बिहान १० देखि साँझ ५ बजेसम्म हुने बताइएको छ । पूर्व गृहमन्त्रीसमेत रहेका लामिछानेमाथि सरकारले राजनीतिक प्रतिशोध साँधेको भन्दै रास्वपाले पार्टी स्थापनाको तेस्रो वर्षको अवसर पारेर गत सातादेखि यो कार्यक्रम थालेको हो ।