को हुन् त ‘जेन–जी’ आन्दोलनका असली अगुवा ?

नेपालीमा एउटा चर्चित उखान छ,‘काम गर्ने कालु,मकै खाने भालु ।’ यो उखान जेनेरेशन जेड अर्थात ‘जेन–जी’ आन्दोलनसँग मेल खान पुगेको छ । जेन–जी आन्दोलनको नेतृत्व गरेका युवक बेपत्ता हुँदा हामी नेपालीका अध्यक्ष सुदन गुरुङ्ग एकाएक चर्चामा छन् । आन्दोलनको बेला माइतीघर मण्डलामा पानी बाँड्दै गरेका र खासै नाम नसुनिएका गुरुङ्गले अहिले आफूलाई अगुवाको रूपमा प्रस्तुत गरिरहेका छन् । 

गोर्खाली गुरुङ्ग पूर्वप्रधानन्यायाधीश सुशीला कार्कीले प्रधानमन्त्रीको शपथ खाँदा खुट्टा ढोग्न पुगेका थिए । हाल सामाजिक सञ्जालमा जेन–जीका वास्तविक अगुवाको खोजी हुन थालेको छ । ती युवकको तस्विर पोष्ट गरेर धुइँधुइँती खोजी गरिएको छ । अञ्जना साह रावल भन्छिन्,‘अब असली जेन्जी खोजौं । कहाँ छ यो भाइ ? आन्दोलनको दिनदेखि किन कहीँ देखिँदैन ?’ विनोद विक्रमजंग केसीले उनको तस्विर सेयर गर्दै लेखेका छन्,‘उनी कहाँ छन् ?’ निरज उप्रेतीले जेन–जीको रगतमाथि गद्दारी भएको बताएका छन् । 

‘जेन–जीको रगतमाथि गद्दारी भयो ठूला बडाबाट’,उनको भनाइ छ ।