च्यासल र पेरिसडाँडामा भाषण, शीतल निवासमा चियापान

आज संविधान दिवस विभिन्न कार्यक्रमसहित मनाईंदै छ । जेन–जी आन्दोनलनको नाममा मच्चाइएको ध्वंसपछि संवैधानिक व्यवस्थाको रक्षा गर्न प्रमुख दलहरूले आफ्ना–आफ्नै कार्यालयमा संविधान दिवसको अवसरमा कार्यक्रम आयोजना गरेका छन् ।

नेकपा एमालेको च्यासल र माओवादीको पेरिसडाँडास्थित पार्टी केन्द्रीय कार्यालयमा आयोजित कार्यक्रममा नेताहरुले खबरदारी गरेका छन् । उनीहरुले राजनीतिक उपलब्धिको रक्षा सबै दल र नागरिकको साझा जिम्मेवारी भएको बताएका छन् ।

नेपाली काँग्रेसले सबै जिल्ला कार्यसमितिलाई संविधान दिवसको उपलक्ष्यमा कार्यक्रम सञ्चालन गर्न निर्देशन दिएको छ । यता, टुँडिखेलमा सरकारले औपचारिक कार्यक्रम आयोजना गरेको छ । कार्यक्रमलाई प्रधानमन्त्री सुशीला कार्कीले सम्बोधन गर्नुहुनेछ । 

अपरान्ह राष्ट्रपति रामचन्द्र पौडेलले शीतल निवासमा चियापान समारोह आयोजना गर्दै हुनुहुन्छ । समारोहमा संवैधानिक अंगका पदाधिकारी, मन्त्रीहरू, राजनीतिक दलका नेता तथा कूटनीतिक नियोगका प्रतिनिधिहरूको सहभागिता रहने बताइएको छ ।