एमाले प्रतिनिधि छान्ने मुखैमा "भ्रमको खेती" शुरु

जन आस्था

मंसिर १२, २०८२

नेकपा (एमाले) को ११ औं राष्ट्रिय महाधिवेशनको प्रतिनिधि छनोट गर्ने अघिल्लो दिन अध्यक्ष केपी शर्मा ओलीको सचिवालयबाट भ्रमपूर्ण खबर फैलाइएको भन्दै आपत्ती जनाइएको छ ।

अध्यक्ष केपी शर्मा ओली र वरिष्ठ उपाध्यक्ष ईश्वर पोखरेल दुवैतिर प्रष्ट नखुलेका सात जना नेताले सामूहिक निर्णय गरेर अध्यक्ष ओलीतिर खुलेको सूचना आज दिउँसो अचानक छरपस्ट पारिएको थियो ।

सात पदाधिकारीको आज शुक्रबार भएको अनौपचारिक छलफलबाट अध्यक्ष ओलीको निरन्तरतामा उभिने निष्कर्ष निकालेको सूचना छरिएको थियो । उपाध्यक्षहरू रामबहादुर थापा, विष्णुप्रसाद पौडेल, उपमहासचिव पृथ्वीसुब्बा गुरुङ, सचिवहरू लेखराज भट्ट,रघुवीर महासेठ,छविलाल विश्वकर्मा र पद्मा अर्याल ओलीको पक्षमा खुलेको समाचारमा भनिएको छ ।

काठमाडौंको छलफलमा सहभागी भनिएका सचिव रघुवीर महासेठ जनकपुरमा छन् । लेखराज भट्ट कैलालीको धनगढीमा छन् । सचिव पद्मा अर्याल बिरामी भएर आराम गरिरहेकी छन् । स्रोतका अनुसार एकतर्फी रुपमा भ्रमपूर्ण सूचना प्रवाह गरिएको भन्दै सचिव रघुवीर महासेठले पदाधिकारीहरुसँग असन्तुष्टी जनाएका छन् । कैलालीमा रहेका सचिव भट्टले आफू निकट कार्यकर्ताहरुलाई टेलिफोन गरेर भ्रममा नपर्न भन्दै सचेत गराएका छन् ।

तर काठमाडौंको छलफलमा सहभागी भनिएका सचिव रघुवीर महासेठ जनकपुरमा छन् । लेखराज भट्ट कैलालीको धनगढीमा छन् । सचिव पद्मा अर्याल बिरामी भएर आराम गरिरहेकी छन् ।

स्रोतका अनुसार एकतर्फी रुपमा भ्रमपूर्ण सूचना प्रवाह गरिएको भन्दै सचिव रघुवीर महासेठले पदाधिकारीहरुसँग असन्तुष्टी जनाएका छन् ।