विवेकशीलको नारा ‘अविवेकी प्रधानमन्त्री’

विवेकशील पार्टीले प्रधानमन्त्री केपी शर्मा ओलीको सिफारिशमा राष्ट्रपति विद्यादेवी भण्डारीले गर्नुभएको संसद विघटनको निर्णय बिरुद्ध आज बिहान माइतीघर मण्डलामा बिरोध प्रदर्शन तथा धर्ना कार्यक्रमको आयोजना गरेको छ । कार्यक्रममा विवेकशील पार्टीका केन्द्रीय सदस्य शशीविक्रम कार्की, अजिता राई लगायतको उपस्थिति थियो ।

प्रदर्शनकारीहरूले कागजको श्रीपेच लगाउँदै अधिनायकवादको बाटोमा केपी ओली, केपीमा चढ्यो श्री ३ को भूत, संसद भंग गरेर अधिनायकवाद जन्मियो, कु गर्न पाईंदैन, कु गर्ने नेता चाहिँदैन भन्ने नारा लगाएका थिए ।