कोरोना फैलिए विश्वासको मत बेवारिस

विश्वासको मत माग्दै आफ्नै दैलोमा पुगेका प्रधानमन्त्रीलाई नो भनेर फर्काएको प्रमुख प्रतिपक्षी नेपाली काँग्रेस वैकल्पिक सरकार गठनका लागि भएका छलफलले आकार नलिएको निष्कर्षमा पुगेको छ । अस्ति प्रधानमन्त्री ओलीलाई बिदाई गरेलगत्तै भएको आन्तरिक छलफलमा सभापति शेरबहादुर देउवाले नेताहरुलाई यस्तो निष्कर्ष सुनाउनुभएको हो ।

सरकार गठनमा विपक्षी गठवन्धनका दलहरुसँग भएका छलफलबारे शीर्ष नेताहरुलाई ब्रिफिङ गर्दै देउवाले काँग्रेसको नेतृत्वमा सरकार बन्ने आधार अझै तयार नभएको निष्कर्ष सुनाउनुभएको काँग्रेस उच्च स्रोतले बतायो ।

आफ्नै नेतृत्वमा सरकार बनाउन सभापति देउवाले खुट्टा कमाएको नेताहरुले आशंका गरेपछि आक्रोशित बन्नुभएका देउवाले सरकार गठनको आधार के हो भन्दै उल्टै प्रश्न गर्नुभएको बताइन्छ ।

प्रधानमन्त्री हुन मलाई चाहिँ इच्छा छैन र रु मधेसवादी दलको हालत के छ रु यस्तो अवस्थामा म किन चम्केर हिंड्ने रुु,देउवाको भनाइ उद्धृत गर्दै स्रोतले भन्यो । देउवाले एमालेको माधव नेपाल समूह निर्णायक बनेर आएको र उनीहरुले गर्ने निर्णयले नै सत्ता समीकरणको छिनोफानो गर्ने पनि बताउनुभएको थियो ।

नेपाल समूहका सांसदहरुले राजीनामा नदिएसम्म नयाँ सरकार बन्ने आधार नदेखिएकाले आफू अघि नसरेको देउवाको आशय थियो । कि त माधव नेपाल समूहको ठूलो हिस्साले राजीनामा दिएर सरकार गिर्नुपर्यो । नत्र म अगाडि बढेर सरकार बन्ने स्थिति कहाँ छ रु के छ ग्यारेन्टी ? त्यसै प्रम हुन्छु भनेर हुन्छ ?, देउवाको भनाइ जस्ताको त्यस्तै स्रोतले भन्यो ।

अनौपचारिक बैठकमा नेताहरुले विश्वासको मत नपाउने अवस्थामा ओलीले अधिवेशन अन्त्य गर्न सक्ने आशंका पनि गरेका थिए । आफूपक्षीय धेरै सांसदलाई कोभिड देखियो भनेर मतदानको प्रक्रिया शुरु नहुँदै संसद अन्त्य गर्न सक्ने आशंका गर्दै नेताहरुले देउवालाई सचेत रहन भनेका थिए ।

यो नियमित अधिवेशन होइन, बिशेष अधिवेशन हो । आफैंलाई ब्याक फायरु हुने देखिए मतदानमा नपुग्दै उनले संसद बैठक स्थगित गर्न सक्छन् । हामी सचेत हुनुपर्छु,नेताहरुले भनेका थिए ।

यसवीच संक्रमण देखिएका सांसदमा जसपाका लक्ष्मणलाल कर्ण,नरमाया ढकाल,रामबाबु यादव र कांग्रेसकी पार्वती डिसी चौधरी छन् । एमाले नेता झलनाथ खनाल,मन्त्री लेखराज भट्ट,टोपबहादुर रायमाझी,मणि थापा,भानुभक्त ढकाल र साँसद सरिता न्यौपानेलाई पनि कोरोनाले सताएको छ ।