बृध्दको हातमा भरुवा बन्दुक
सर्लाहीमा भरुवा बन्दुकसहित एक बृद्ध पक्राउ परेका छन् ।
जिल्लाको ईश्वरपुर नगरपालिका–४ सागरनाथस्थित जंगलबाट ३ थान भरुवा बन्दुक र त्यसमा प्रयोग हुने बारुद १ बट्टासहित स्थानीय ५२ वर्षीय रणबहादुर गोलेलाई बिहीबार दिउँसो प्रहरीले पक्राउ गरेको हो।
सागरनाथ जंगलभित्र शिकार गरिरहेको अवस्थामा प्रहरी चौकी फुलजोरबाट खटिएको गस्ती टोलीले जवाफी हवाई फायर गरेर गोलेलाई पक्राउ गरेको प्रहरीले जनाएको हो ।
जवाफी हवाई फायरपछि रणबहादुरलाई हतियार, प्रदेश नम्बर २–०२–०३२ प २५२२ र बीआर ३० यू ४६७७ नम्बरको मोटरसाइकल र मारिएको नील गाईसहित पक्राउ गरिएको हो ।
हाल फरार रहेका अन्य चार जनाको प्रहरीले खोजी गरिरहेको छ भने मारिएको नीलगाई सागरनाथ वन परियोजना कार्यालयमा बुझाइएको छ ।
यस्तै,महोत्तरीको बर्दिवास नगरपालिका–५,जंगलको भित्री सडकबाट १ थान भरुवा बन्दुक, सोमा लाग्ने फलामको बल र २५ ग्राम बारुद प्रहरीले बरामद गरेको छ ।
अस्थायी प्रहरी पोष्ट माईस्थानबाट गस्तीमा खटिएको टोलीलाई देख्नासाथ प्र.२–०२–००२ प ५३५७ नम्बरको स्कुटरका चालकले स्कुटरसहित झोला फाली फरार भएपछि स्कुटर र झोला जाँच गर्दा उक्त हतियार फेला परेको हो । फरार स्कुटर चालकको खोजी भइरहेको प्रहरीले जनाएको छ ।
यसवीच मोरङमा अवैध लागूऔषध गाँजासहित दुई जनालाई प्रहरीले पक्राउ गरेको छ ।
रंगेली नगरपालिका–७ बाट करिब ४ सय ग्राम अवैध लागूऔषध गाँजासहित दुई जनालाई हिजो दिउँसो प्रहरीले समातेको हो ।
पक्राउ पर्नेहरुमा धनपालथान गाउँपालिका–६,बस्ने १९ वर्षीय राज मण्डल र १८ वर्षीय किशोर रहेका छन् ।
उनीहरुले प्रयोग गरेको प्रदेश १–०२–०४३प–८१३९ नम्बरको मोटरसाइकललाई अस्थायी प्रहरी पोष्ट रंगेलीबाट खटिएको प्रहरी टोलीले जाँच गर्ने क्रममा मोटरसाइकल चालक शाही र मोटरसाइकलमा सवार ती किशोरलाई गाँजासहित समातिएका हुन् ।
टिप्पणीहरू