भीमसेन थापाको ठाउँमा स्वास्थ्य सामग्री हस्तान्तरण
भीमसेन थापा गाउँपालिका–३ गोर्खा तान्द्राङ्गस्थित स्वास्थ्य चौकीलाई स्वास्थ्य सामाग्री हस्तान्तरण गरिएको छ ।
गाउँपालिकाको वडा नं.३ का युवा तथा समाजसेवीहरुको संयोजनमा संकलित स्वास्थ्य सामाग्री वडा अध्यक्ष लीलानाथ लामिछानेद्वारा स्वास्थ्य प्रमुख भेषराज खनाललाई हस्तान्तरण गरिएको हो ।
कोरोना महामारीका कारण उत्पन्न जटिल परिस्थितिमा देश तथा विदेशमा रहेका सहयोगी मनबाट संकलित करिब १ लाख रुपैयाँ बराबरको स्वास्थ्य सामाग्री हस्तान्तरण गरिएको कार्यक्रम संयोजक नवराज पाण्डेले जानकारी दिनुभयो ।
उक्त अभियानमा सहयोग गर्नुहुने सम्पूर्ण सहयोगी मनलाई वडा अध्यक्ष लीलानाथ लामिछानेले धन्यवाद दिनुभएको छ । स्वास्थ्य सामाग्री संकलन कार्यक्रममा संयोजक समाजसेवी गोविन्द खनाल,रमेश खनाल,नवराज पाण्डे,ऋषिराम लामिछाने तथा युवा समाजसेवी शैलेश लामिछाने, उत्तम पुडासैनी सक्रिय रहेको बताइन्छ ।
संयोजकले पनि सम्पूर्ण सहयोगी मनलाई धन्यवाद दिँदै सहयोग अभियान जारी रहेकाले आवश्यक सामाग्री महामारी प्रकोपको अवस्था हेरेर आगामी दिनमा उपलब्ध गराइने बताए । महामारीलाई मध्यनजर गर्दै मास्क, स्यानिटाइजर,पिपिइ, अक्सिजनलगायत अत्यावश्यक स्वास्थ्य सामाग्री वितरण गरिएको थियो ।
टिप्पणीहरू