निषेधाज्ञा उल्लंघन गर्ने १५ सय बढी सवारी साधन नियन्त्रणमा

विभिन्न जिल्लामा लागू गरिएको निषेधाज्ञा कार्यान्वयनको सिलसिलामा पछिल्लो २४ घण्टामा निषेधाज्ञा उल्लंघन गर्ने १ हजार ५ सय ७७ वटा सवारी साधनलाई नियन्त्रणमा लिई आवश्यक सोधपुछ पश्चात् छोडिएको छ ।

नियन्त्रणमा लिइएका सवारी साधनमध्ये ३ सय ९० वटा गाडी र १ हजार १ सय ८७ वटा मोटरसाइकल रहेका छन् ।

साथै नयाँ भेरियन्टसहितको कोभिड–१९ संक्रमणको रोकथाम तथा जोखिम न्यूनीकरणका लागि नेपाल प्रहरीद्वारा सञ्चालित ‘तपाईंको मास्क खोई ?’ कार्यक्रमअन्तर्गत पछिल्लो २४ घण्टामा ५ सय ११ जनालाई निःशुल्क मास्क वितरण गरिएको छ ।

देशभर माइकिङ तथा सचेतनामूलक कार्यक्रमअन्तर्गत २६ हजार ४ सय २ जनालाई सचेत गराइएको छ ।