आज निषेधाज्ञा उल्लंघन १५ सयबढी सवारी साधन प्रहरी नियन्त्रणमा

आज पनि निषेधाज्ञा उल्लंघन गर्ने १ हजार ५ सय ३८ वटा सवारी साधनलाई प्रहरीले नियन्त्रणमा लिएको छ ।

तीमध्ये ४ सय ५६ वटा चार पाँग्रे र १ हजार ८२ वटा मोटरसाइकल रहेका छन् । नियन्त्रणमा लिइएका सवारी साधनलाई आवश्यक सोधपुछपछि छाडिएको बताइएको छ ।

त्यसैगरी नेपाल प्रहरीद्वारा संचालित ‘तपाईंको मास्क खोई ?’ कार्यक्रमअन्तर्गत पछिल्लो २४ घण्टामा ९ सय ४० जनालाई निःशुल्क मास्क समेत वितरण गरिएको छ ।

आजै कोभिड–१९ रोकथाम तथा नियन्त्रणका लागि स्वास्थ्य मन्त्रालयद्वारा तोकिएको मापदण्ड उल्लंघन गर्ने १ सय ९८ जनालाई संक्रामक रोग ऐन, २०२० बमोजिम २२ हजार रुपैयाँ जरिवाना समेत गरिएको छ । यसबीचमा २ हजार ७ सय ४१ जनालाई सम्झाई बुझाई छाडिएको छ ।

मुलुकभर सञ्चालित ९६ वटा माइकिङ, प्लेकार्ड, पर्चापम्प्लेटसहितको सचेतनामूलक कार्यक्रमअन्तर्गत १७ हजार १ सय ६ जनालाई सचेत गराइएको प्रहरीले जनाएको छ ।