आज १ सय १६ को निधन, संक्रमितभन्दा निको हुने झण्डै १६ सयले बढी

कोरोनाबाट आज १ सय १६ जनाको निधन भएको छ भने ४ हजार ४ सय ८७ जनामा संक्रमण पुष्टि भएको छ ।

पछिल्लो २४ घण्टामा १४ हजार ६ जनाको पीसीआर तथा ७ सय ४६ जनामा एन्टिजेन गरी १४ हजार ७ सय ५२ जनामा परीक्षण गरिएको थियो ।

आज ६ हजार ८० जना कोरोना संक्रमणमुक्त भएका छन् । हालसम्म ज्यान गुमाएकोको संख्या ७ हजार १ सय ६३ पुगेको छ ।

त्यस्तै, हालसम्म ४ लाख ३४ हजार ७ सय ५० जना निको भएका छन् । आज मुलुकभर १ लाख १८ हजार ६ सय ७२ जना आइसोलेसनमा रहेका छन् । त्यसैगरी ८ सय ९१ जना क्वारेन्टिनमा बसेका छन् ।