नाइजेरियामा २ सय बालबालिका अपहरण

नाइजेरियाको एउटा इस्लामिक विद्यालयमा अध्ययनरत झण्डै २ सय बालबालिका अपहरणमा परेका छन् ।

मोटरसाइकलमा आएका बन्दुकधारीले विद्यालयमा आक्रमण गरेर बालबालिकाको अपहरण गरेको बताइएको छ ।

अधिकारीहरूका अनुसार आक्रमणमा दुई जनामाथि गोली प्रहार भएको र एक जनाको मृत्यु भएको छ । नाइजेरियाको उत्तरी राज्यहरूमा फिरौतीका लागि अपहरण गर्ने घटना क्रमशः बढ्दो छ ।

गत फेब्रुअरीमा जामफरा राज्यको जंगेबे बोर्डिङ स्कुलमा अध्ययनरत ३ सय किशोरीहरु अपहरणमा परेका थिए । तीमध्ये हाल धेरैजसो बन्धकमुक्त भइसकेका छन् ।