आज १ सय १ को निधन, संक्रमितभन्दा निको हुनेको संख्या १९ सयले बढी

कोरोनाबाट आज १ सय १ जनाको ज्यान गएको छ भने ५ हजार ३ सय १६ जनामा संक्रमण पुष्टि भएको छ । हिजो निधन हुनेको संख्या ६८ मात्र थियो ।

पछिल्लो २४ घण्टामा गरिएको १३ हजार ८ सय ५ पीसीआर तथा ३ हजार ७३ जनामा एन्टिजेन परीक्षण गरिएको थियो ।

त्यसैगरी आज ७ हजार २ सय १९ जना संक्रमणमुक्त भएका छन् । यो संख्या आज संक्रमित हुनेभन्दा १ हजार ९ सय ३ जना बढी हो ।

हालसम्म ज्यान गुमाउनेको संख्या भने ७ हजार ५ सय ५५ पुगेको छ । आजसम्म ४ लाख ६१ हजार ५ सय ६३ जना निको भएका छन् ।

१ लाख १ हजार ९ सय ९३ जना अझै सक्रिय संक्रमित छन । आज पनि ८ सय ३७ जना क्वारेन्टिनमा रहेका छन् ।