माइतीघरमा आज पनि विपी प्रतिष्ठानका विद्यार्थीहरुको बिरोध

माइतीघर मण्डलामा विपी कोइराला स्वास्थ्य विज्ञान प्रतिष्ठानका विद्यार्थीहरुले आज पनि शान्तिपूर्ण प्रदर्शन गरेका छन् ।

प्रतिष्ठान शुद्धीकरण अभियान २०७८ को आयोजनामा प्रतिष्ठानमा भइरहेको राजनीतिकरण र भ्रष्टाचारविरुद्ध त्यहाँ चौथो वर्षमा अध्ययनरत प्रशान्त राई, विवेकशील पार्टीका केन्द्रीय सदस्य शशी विक्रम कार्कीलगायतले ब्यानर र प्लेकार्ड सहित प्रदर्शन गरेका हुन् ।

ब्यानर र प्लेकार्डमा उनीहरुले आमनागरिकको स्वास्थ्यको लागि हामी सडकमा तपाईंहरु किन सिंदरबारमा, चाप्लुसी गर्न जान्दैनौं तिम्रो दमन मान्दैनौं, प्रतिष्ठान डुबाएर आफ्नो जीवन उठाउने कसैलाई हामी छाड्दैनौं, हाम्रो प्रतिष्ठन हामी आफैं जोगाउछौं जस्ता नाराहरु लेखिएका थिए ।