दैलोमै पुगेर महेश बस्नेतलाई देउवाको दनक

प्रधानमन्त्री तथा नेपाली काँग्रेसका सभापति शेरबहादुर देउवाले पूर्वप्रधानमन्त्री तथा एमाले अध्यक्ष केपी ओलीको विश्वासपात्र भनिएका भक्तपुरका सांसद महेश बस्नेतलाई मुखभरिको जवाफ फ़र्काउनुभएको छ । देउवालाई आफूसँग चुनाव लड्न चुनौती दिएका बस्नेतलाई उनकै निर्वाचन क्षेत्रमा पुगेर जवाफ फर्काउँदै देउवाले भक्तपुरका पार्टी सभापति दुर्लभ थापालाई हराएर देखाउन चुनौति दिनुभयो ।

बस्नेतले केही समयअघि भक्तपुरमा शेरबहादुर देउवालाई उठाए आफू चुनाव लड्न तयार रहेको बताएका थिए । भक्तपुरमा काँग्रेस शिला खोज्नुपर्ने अवस्थामा पुगेको भन्दै उनले देउवालाई नै उठाए पनि आफूले सजिलै हराइदिने दावी गरेका थिए । त्यसको जवाफमा देउवाले दुर्लभ थापासँग चुनाव लड्न बस्नेतलाई सुझाव दिनुभएको हो ।

बस्नेतको नाम नलिई प्रधानमन्त्री देउवाले भनुभयो,बस्नेतजीले मलाई होइन,भक्तपुरका पार्टी सभापति दुर्लभ थापालाई चुनाव हराएर देखाउनुस् ।’