माओवादीका ३३ बिभाग,महरालाई दुइटा जिम्मा

जन आस्था

कात्तिक ४, २०७८

नेकपा (माओवादी केन्द्र) ले केन्द्रीय विभाग र प्रतिष्ठानका प्रमुख तोकेको छ । माओवादीले ३३ वटा विभाग र प्रतिष्ठानलाई पूर्णता दिँदै प्रमुखहरु तोकेको हो ।

आज बसेको स्थायी कमिटी बैठकले विभाग र प्रतिष्ठानका प्रमुख तोकेको प्रवक्ता कृष्णबहादुर महराले जानकारी दिनुभयो । प्रत्येक विभागमा कम्तिमा ३५ सदस्य रहने गरी प्रमुखहरु तोकिएको उहाँले बताउनुभयो ।

जसअनुसार पार्टी विदेश मामिला विभागमा उपाध्यक्ष नारायणकाजी श्रेष्ठ,संगठन विभागमा जनार्दन शर्मा प्रभाकर,उर्जा तथा जलश्रोत विभागमा लीलामणि पोखरेल र स्कुल विभागमा गिरिराजमणि पोखरेल प्रमुख तोकिनुभएको छ ।

त्यस्तै,अर्थ तथा योजना विभागमा वर्षमान पुन अनन्तलाई प्रमुख बनाइएको छ भने प्रचार प्रसार विभागमा कृष्णबहादुर महरा,भूमि सुधारमा हरिबोल गजुरेल र निर्वाचन विभागमा खिमलाल देवकोटा प्रमुख हुनुभएको छ ।

आजको बैठकले डिलाराम आचार्यको संयोजकत्वमा १७५ सदस्यीय सम्पर्क समिति गठन गरेको छ ।

यी हुन् माओवादी केन्द्रका विभाग र प्रमुखहरु

विपद व्यवस्थापन विभाग : सूर्य सुवेदी पथिक

अर्थ तथा योजना विभाग : बर्षमान पुन अनन्त

उपभोक्ता हित तथा आपूर्ति विभाग : मातृका यादव

भूमिसुधार विभाग : हरिबोल गजुरेल

कोष तथा आर्थिक व्यवस्था विभाग : डोरप्रसाद उपाध्याय

खानेपानी विभाग : बीना मगर

जलश्रोत तथा सिन्चाई विभाग : लीलामणि पोखरेल

निर्वाचन विभाग : खिमलाल देवकोटा

कानुन,न्याय तथा मानवअधिकार विभाग : मुक्तिनारायण प्रधान

प्रचार प्रसार विभाग : कृष्णबहादुर महरा