अवैध सम्बन्ध लुकाउन ढुंगाले किचेर हत्या

अवैध सम्बन्ध लुकाउन निर्दोष नाबालिकाको हत्या गरेको आरोपमा पर्साका एक युवा पक्राउ परेका छन् । १० वर्षीय बालिकाको हत्याको अभियोगमा वीरगंज महानगरपालिका-१६ का ४० वर्षीय मोती पटेल भनिने मोतीलाल प्रसाद कुर्मीलाई प्रहरीले समातेको हो ।

कुर्मीले महानगर-१५ स्थित भिष्वामा डेरा गरी बस्ने सरोज महतो कुश्वाहाकी छोरी १० वर्षीया रिजवाना महतोको हत्या गरेको प्रहरीको भनाइ छ । उनलाई माघ २ गते वीरगंज महानगरपालिका–१६ नर्वास्थित नेपाल भारत सीमाबाट पक्राउ गरिएको प्रहरीले जानकारी दिएको छ ।

प्रहरीका अनुसार कुर्मीले अवैध सम्बन्ध लुकाउने उद्धेश्यले कंचनजंगा स्कुल नजिक नयाँ निर्माणाधीन भवनको चेपमा गत पुस २४ गते ढुंगा प्रहार गरि बालिकाको हत्या गरेका थिए । उनीविरुद्ध अपहरण तथा कर्तव्य ज्यान मुद्दामा अनुसन्धान भइरहेको जिल्ला प्रहरी कार्यालय पर्साले जनाएको छ ।