पढ्न मन छैन,लागु ओखतीमा लट्ठ
सुनसरीको दुहबी नगरपालिका ५ दुहबीबाट लागुऔषधसहित ३ जनालाई प्रहरीले पक्राउ गरेको छ ।
तिनमा ईटहरी उपमहानगरपालिका-३ का २८ बर्षीय सूर्य घिमिरे,२३ बर्षीय नवराज लिम्बु र ईटहरी १७ का २० बर्षीय बिमल के.सी.छन् ।
उनीहरुलाई हिजो बेलुका ५ बजे दुहबीको गस्तीले अँठ्याएको हो । बिराटनगरबाट ईटहरीतर्फ जाँदै गरेको सार्वजनिक बस चेकिङ गर्ने क्रममा फेला परेका उनीहरुबाट प्रहरीले लागुऔषध स्पास्मो ३२ र नाइट्रोजन ५० ट्याब्लेट बरामद गरेको छ ।
पक्राउ परेका तीनै जनामाथि ईलाका प्रहरी कार्यालय दुहबीले थप अनुसन्धान भइरहेको जनाएको छ ।
ट्रेन्डिङ पोस्ट
टिप्पणीहरू