छोराले बाबुलाई बन्चरोले छप्काए

कञ्चनपुरका एक युवकले आफनै बुबाको बन्चरोले हानेर हत्या गरेका छन् । लालझाडी गाउँपालिका-२ कञ्जका २६ वर्षीय रामविलास रानाले बाबु कोठग्गु रानाको गयराती हत्या गरेका हुन् ।

बाबुलाई बन्चरोले हानेर हत्या गर्ने रामविलास प्रहरी खोरमा पुगेका छन् । उनलाई हिजै नियन्त्रणमा लिइसकेको जिल्ला प्रहरी कार्यलय कञ्चनपुरले जनाएको छ ।

घरायसी झगडामा रामविलासले बन्चरो प्रहार गरी बुबा कोठग्गुको हत्या गरेको सूचना प्रहरीले पाएको थियो । सोही सूचनका आधारमा प्रहरी कार्यालय शंकरपुर र बेलौरीबाट खटिएको प्रहरीले उनलाई पक्राउ गरी थप अनुसन्धान गरिरहेको छ ।