घरभित्र पसेर मोटरसाइकल चोर्ने समातिए

सर्लाहीमा चोरीको मोटरसाइकलसहित तीन जना पक्राउ परेका छन् । प्रहरीले मोटरसाइकल चोरीमा संलग्न तीन जनालाई आज लालबन्दीबाट समातेको हो।

प्रहरी कार्यलय सर्लाहीका अनुसार गत माघ ७ गते लालबन्दी नगरपालिका-५ का ज्ञानबहादुर क्षेत्रीको मोटरसाइकल घरको बरन्डाबाट चोरी भएको थियो । प्रदेश २-०३-००१ प १०१९ नम्बरको उक्त मोटरसाइकलसहित लालबन्दी नगरपालिका-५ का सूर्यदीप चौधरी, रूपेश माझी मुसहर र लालबन्दी नगरपालिका-१५ का सोमबहादुर रेग्मी पक्राउ परेका हुन् ।