लागुऔषध सहित उराव पक्राउ

प्रहरीले झापा मेचिनगर नगरपालिका-६ मेचिपुलबाट लागुऔषध सहित एक जनालाई पक्राउ गरेको छ । पक्राउ पर्नेमा मेचिनगर -११ का २३ बर्षीय सेवन उराव रहेका छन । उनलाई सोमबार दिउँसो साँढे १ बजे लागुऔषध नियन्त्रण ब्यूरो काँकडभिट्टाको टोलीले चेकजाँचको क्रममा पक्राउ गरेको हो । उनी भारतबाट नेपालतर्फ पैदल आउदै गरेका थिए । उरावले ६ ग्राम लागुऔषध ब्राउनसुगर बोकेका थिए । पक्राउ परेका उरावको सम्बन्धमा थप अनुसन्धान भईरहेको ईलाका प्रहरी कार्यालय काँकडभिट्टाले जनाएको छ ।