एक हजार एम्पुलसहित दास समातिए

काठमाडौँको नागढुङ्गा चेकप्वाइन्टबाट लागुऔषधसहित एक व्यक्ति समातिएका छन् । प्रहरीले सप्तरीको शम्भुनाथ नगरपालिका-७ का ४६ वर्षीय शिव चरण दासलाई एक हजार २० एम्पुलसहित आज समातेको हो ।

महानगरीय प्रहरी परिसर टेकुका प्रवक्ता दिनेशराज मैनालीका अनुसार उनको झोलाभित्र लुकाइ राखेको अवस्थामा डायजेपाम ३४० एम्पुल,नोफिन ३४० एम्पुल, फेनर्गन ३४० एम्पुल बरामद गरिएको हो ।

धरानबाट काठमाडौँ आउँदै गरेको ना. ७ ख ३२५५ नं. को यात्रुबाहक बसलाई चेकजाँच गर्ने क्रममा लागुऔषधसहित दास समातिएको प्रहरीले जनाएको छ । पक्राउ परेकालाई लागूऔषध नियन्त्रण ऐन,२०३३ बमोजिम थप अनुसन्धान भईरहेको प्रहरीले जनाएको छ ।