दिनैपिच्छे लागुऔषधका कारोबारी पक्राउ

जति पक्राउ गरे पनि १ नम्बर प्रदेशमा लागुऔषधका कारोबारी र दुव्र्यसनी कम भएका छैनन भन्ने कुरा दिनदिनै पक्राउ परेकाको संख्याले छर्लङ्ग भएको छ । हिजो पनि झापाको बिर्तामोड नगरपालिका–४ ओमशान्ति टोलबाट लागुऔषध ब्राउनसुगर सहित दुई जनालाई प्रहरीले पक्राउ गरेको छ ।

पक्राउ पर्ने सोही टोलमा डेरा गरी बस्ने २१ वर्षीया हसिना मण्डल र बिर्तामोड–५ का १८ वर्षीय अर्वाज खान हुन् । अभियुक्तहरुको साथबाट प्रहरीले प्रतिबन्धित लागुऔषध ब्राउनसुगर ३ ग्राम फेला पारेको छ ।

उनीहरुलाई प्रहरीले हिजो साँझ ६ बजे बिर्ता बजारबाट पक्राउ गरेको हो । दुबैविरुद्ध थप अनुसन्धान भइरहेको अनारमनी प्रहरीले जनाएको छ ।