इलाममा हुरीले टावर लडायो
इलाममा आज बिहानको हावाहुरीले टावर लडाएको छ । रोङ गाउँपालिकाको भालुझोडामा रहेको नेपाल टेलिकमको टावर हावाहुरीले ढालिदिएको हो ।
आज बिहान करिब साढे ९ बजेको समयमा वर्षासँगै आएको हावाले टावर उडाएर ढालेको रोङ गाउँपालिकाकी उपाध्यक्ष चन्द्र कला राईले जानकारी दिनुभयो । उहाँका अनुसार रोङ गाउँपालिका ४, भालुझोडामा रहेको नेपाल टेलिकमको टावर हावाले उडाएर क्षतिग्रस्त पारको हो ।
हावाहुरीले राजमार्ग आसपासका रूख ढालेको छ भने रोङकै सिद्धदेवी विद्या मन्दिरको छानोसमेत उडाएको हो ।
टिप्पणीहरू