खाल्डोको पानीमा डुबेर डेढ वर्षका बालक बिते
सुनसरीको भोक्राहा नरसिङ गाउँपालिका–७ मा खाल्डोमा जमेको पानीमा डुबेर बालकको मृत्यु भएको छ । मृत्यु हुने भोक्राहा नरसिङ–७ का शंकर मेहेताका १५ महिने छोरा रोहित मेहेता हुन् ।
बालक मेहेता हिजो बिहान भोक्राहा नरसिङ–१ मा रहेको मावली घरको आँगन छेउमा पानी जमेको खाल्डोमा डुबेका हुन् । उनलाई डुबेर मृत अवस्थामा आमाले फेला पारेकी थिइन् ।
घटनाबारे थप अनुसन्धान भइरहेको प्रहरीले जनाएको छ ।
टिप्पणीहरू