छ वटा चोरीका मोटरसाइकलसहित एक किशोर पक्राउ

मोटरसाइकल चोरीको आरोपमा प्रहरीले भक्तपुरबाट एक किशोरलाई समातेको छ । काठमाडौँ उपत्यकका लगायतका जिल्लाहरुबाट मोटरसाइकल चोरेर विक्री गर्दै आएका १८ वर्षीय ति किशोर आज समातिएका हुन् ।

रामेछापको भिरकोट खनियापानी घर भई अहिले काभ्रेको बनेपा नगरपालिका-१३ थापागाँउमा डेरा गरी बस्ने १८ वर्षका छिरिङ घिसिङलाई पक्राउ गरिएको प्रहरीले जनाएको छ ।

महानगरीय प्रहरी परिसरका प्रवक्ता राजु पाण्डेका अनुसार उनको साथबाट दुई वटा मोटरसाइकल र चार वटा स्कुटर बरामद गरि थप अनुसन्धान अघि बढाइएको छ ।