पल प्रकरणमा एक युट्यूवर समातिए

अभिनेता पल शाह प्रकरणमा पीडित नाबालिकाको अश्लिल सामग्री प्रसारण गर्ने एक युट्यूवर समातिएका छन् । प्रहरीको साइबर ब्यूरोले ‘सेलेब नेपाल’ नामक युट्यूब च्यानलका सञ्चालक राहुल थापालाई समातेको हो ।

गुल्मी भनभने-९ स्थायी घर भइ हाल बुटवल-१३ रुपन्देही बस्दै आएका २१ वर्षीय थापालाई प्रहरीले आज पक्रेको हो । उनको युट्यूब च्यानलले पीडितको मानमर्दन र चरित्र हत्या गर्ने उद्देश्य राखी भ्रामक समाचार सम्प्रेषण गरेको ब्यूरोका प्रवक्ताका नविन्द अर्यालले बताएका छन् ।उनका अनुसार थापाले विद्युतीय कारोबार ऐन, २०६३ अन्तर्गतको कसूर गरेकाले काठमाडौं जिल्ला अदालतबाट पाँच दिन म्याद थपको अनुमति लिएर अनुसन्धान भईरहेको छ ।