स्रोत नखुलेको १९ लाख यसरी पनि लुकाइयो

आज रौतहटमा मोटरसाइकलको सिट मुनि लुकाएर भारतीय नागरिकले बोकेको झण्डै १९ लाख रुपैयाँ सशस्त्र प्रहरी बलको टोलीले फेला पारेको छ । सशस्त्रको नम्बर २ छिन्नमस्ता बाहिनीको स्क्वाड टिमको सूचनाको आधारमा उक्त रकम फेला परेको हो ।

रौतहटको बौधिमाई नगरपालिका ९ सरमझुवाबाट भारतको पूर्वी चम्पारण मोतिहारी जिल्लाका ४५ वर्षे दिप नारायण प्रसादले भारतीय मोटरसाइकलको सिटमुनी र हेलमेटभित्र लुकाएको १८ लाख ७३ हजार रुपैयाँ र मोटरसाइकल सशस्त्रको टोलीले नियन्त्रणमा लिएको हो ।

आज दिउँसो फेला परेको उक्त रकम र मोटरसाइकललाई आवश्यक कारबाहीको लागि गौर भन्सार कार्यालयमा बुझाइएको बलले जानकारी दिएको छ ।