पुल्ली उत्खनन् गर्ने सुनबहादुरसहित पाँच जना पक्राउ

प्रहरीले खोटाङ खोटेहाङमा बहुमूल्य धातु पुल्ली उत्खनन गर्ने पाँच जनालाई समातेको छ । खोटेहाङ गाउँपालिका–३ सावाकटहरेस्थित बारीमा पुल्ली उत्खनन गरेको आरोपमा उनीहरुलाई हिजो समातिएका हुन् ।

पक्राउ पर्नेहरुमा पाचँथर फिदिम नगरपालिका-९ बस्ने ५१ वर्षीय गोकुल आङ्दाङबे, २४ वर्षीय अशोक आङ्दाङबे, २६ वर्षीय झिलन आङ्दाङबे छन् । त्यस्तै, ५७ वर्षीय डिल्ली आङ्दाङबे र झापा धाइजन गाउँपालिका-७ का ७३ वर्षीय सुन बहादुर चेम्जोङ छन् ।

प्रहरीले उनीहरुको साथबाट दुई थान सेतो कालो पाटे पुल्ली, एक थान कालो भेडी सेतो, एक थान कालो टेका भेडी, दुई थान रातो टेका माला बरामद गरेको छ । प्रहरी कार्यालय खोटाङबजारबाट खटिएको प्रहरी ६ थान खैरो टेका माला र ५ थान बेल्चा पनि फेला पारेको छ ।

प्रहरीले उनीहरुलाई पक्राउ गरि थप अनुसन्धान गरिरहेको छ ।