दाजुभाइको कुटाकुटमा बाबुको मृत्यु

मोरङमा अंशबण्डाको बिषयमा दुई दाजुभाइबीच कुटाकुट हुँदा एक वृद्धको ज्यान गएको छ । बेलबारी नगरपालिका-७ बाहुनीमा अंशको कुरालाई लिएर दाजुभाइबीचको विवादपछि धकेलाधकेल हुँदा उनीहरुका बृद्ध बाबुको मृत्यु भएको हो ।

मृत्यु हुनेमा ६० वर्षीय जयबहादुर कार्की रहेका छन् । दुई छोरा बासुदेव कार्की र तीर्थ कार्कीबीचको झगडा छुट्याउन गएका उनको ढुंगामा टाउको ठोक्किएर मृत्यु भएको जिल्ला प्रहरी कार्यालय मोरङले जनाएको छ ।

प्रहरीले घटनास्थल पुगेर अनुसन्धान गरिरहेको जिल्ला प्रहरी कार्यालय मोरङका प्रहरी नायव उपरीक्षक दिपक श्रेष्ठले जानकारी दिए । कार्कीको न्यूरो अस्पतालमा मृत्यु भएको बताइएको छ । घटनाबारे बिस्तृत विवरण आइसकेको छैन ।