पार्किङका मोटरसाइकल उठाउने दुई जनालाई अदालत लगियो

मोरङमा मोटरसाइकल चोरेको आरोपमा दुई जना समातिएका छन् । विराटनगर महानगरपालिका-९ मा पार्किङ गरेको मोटरसाइकल चोरीमा संलग्न भएको आरोपमा दुई युवालाई प्रहरीले हिजो पक्रेको हो ।

स्थानीय २६ वर्षिया राज कुमार कामत र २० वर्षिया प्रविन मण्डल पक्राउ परेको प्रहरीले जनाएको छ । प्रहरीका अनुसार उनीहरुले पार्किङ गरिएको को.२० प ५०१० नम्बरको मोटरसाइकल अस्ति साँझ चोरेर लागेका थिए ।

पक्राउ परेका कामत र मण्डल उपर जिल्ला अदालत मोरङबाट चोरी कसूरमा चार दिनको म्याद थप गरी आवश्यक अनुसन्धान भईरहेको प्रहरीले बताएको छ ।