ठमेलमा विदेशी नागरिकको लडेर मृत्यु

काठमाडौँको ठमेलमा एक विदेशी नागरिकको ज्यान गएको छ । आयरल्याण्डबाट साथीहरुसँग नेपाल घुम्न आएका एलन मिक फिलिप्सको उनी बसेको होटल मनाङको सातौँ तलबाट खसेर हिजो राति २ बजे मृत्यु भएको हो ।

प्रहरी परिसर काठमाडौँका प्रवक्ता दिनेशराज मैनालीले घटनाको थप अनुसन्धान भैरहेको र अहिले मृतकको शव पोष्टमाटमका लागि त्रिवि शिक्षण अस्पताल पठाएको जानकारी दिए ।

३६ वर्षीय फिलिप्स अप्रिल ६ मा नेपाल आएका थिए । उनी साथीसँगै होटलमा बसेका थिए ।