साइकल खाल्डोमा पर्दा यादवको निधन
सिरहाको कर्जन्हा नगरपालिका–३ सुन्दरपुरस्थित सडकमा खाल्डोमा परेर हिजो राति भएको साइकल दुर्घटनामा चालकको मृत्यु भएको छ । मृत्यु हुनेमा सोही नगरपालिका–२ बस्ने ७२ वर्षीय दुख्खी यादव रहेका छन् ।
साइकल सडकको खाल्डोमा परी मान्छे वेहोस भएको खबर प्राप्त हुनासाथ इलाका प्रहरी कार्यालय बन्दिपुरबाट खटिएको प्रहरीले यादवलाई उपचारका लागि कमलामाई पोलिक्लिनिक बन्दीपुर लगेकोमा थप उपचारका लागि फुलकुमारी मेमोरियल अस्पताल कर्जन्हातर्फ लैजाने क्रममा बाटोमै मृत्यु भएको प्रहरीले जनाएको छ ।
दुर्घटनाको सम्बन्धमा प्रहरीले थप अनुसन्धान गरिरहेको इलाका प्रहरी कार्यालय बन्दिपुरले जनाएको छ ।
ट्रेन्डिङ पोस्ट
टिप्पणीहरू