टिपरको ठक्करबाट मोटरसाइकल चालक ठहरै

नवलपरासीमा टिपरको ठक्करबाट मोटरसाइकल चालकको ज्यान गएको छ । बर्दघाट सुस्ता पश्चिमको रामग्राम नगरपालिका–१० नदुवाचोकमा गए राति टिपरको ठक्करबाट ज्यान जाने घटना भएको हो ।

मृत्यु हुनेमा मोटरसाइकल चालक रामग्राम नगरपालिका–६ पोखरापाली बस्ने ४० वर्षीय हरिद्वार यादव रहेका छन् । उनको घटनास्थलमै मृत्यु भएको हो ।

नम्बर नखुलेको टिपरले लु ४९ प ५३६८ नम्बरको मोटरसाइकललाई ठक्कर दिएको प्रहरीले जनाएको छ । टिपरसहित भागेका चालकको खोजी भइरहेको छ ।