ट्रक र मोटरसाइकल जुध्दा एक जनाको मृत्यु
कास्कीको पोखरा महानगरपालिका–२९, आदर्शचोकमा ट्रक र मोटरसाइकल ठोक्किँदा एक जनाको ज्यान गएको छ । हिजो साँझ भएको दुर्घटनामा एक जना गम्भीर घाइते भएका छन् ।
मृत्यु हुनेमा मोटरसाइकल चालक तनहुँको शुक्लागण्डकी नगरपालिका–९ का २० वर्षीय नवीन थापा हुन् । गम्भीर घाइते भएका उनको उपचारका क्रममा पश्चिम क्षेत्रीय अस्पताल पोखरामा मृत्यु भएको प्रहरीले जनाएको छ ।
मोटरसाइकलमा पछाडि सवार सोही स्थानका २१ वर्षीय दिपेन्द्र रावतको गण्डकी मेडिकल कलेजमा उपचार भइरहेको छ ।
पोखराबाट तनहुँतर्फ जाँदै गरेको ग. १३ प ८१०६ नम्बरको मोटरसाइकल र विपरीत दिशाबाट आउँदै गरेको ना. ४ ख ९३८१ नम्बरको ट्रक हिजो साँझ ५ बजे ठोक्किएका थिए ।
ट्रकसहित चालकलाई नियन्त्रणमा लिई थप अनुसन्धान भइरहेको इलाका प्रहरी कार्यालय शिशुवाले जनाएको छ ।
ट्रेन्डिङ पोस्ट
टिप्पणीहरू