क्रोएसिया पठाइदिने बाचा गरेर रकम हात पारेपछि बेपत्ता उत्सव उम्केनन्

एक युवालाई क्रोएसिया पठाइदिने प्रलोभन देखाएर पैसा लिएर भागेका एक व्यक्ति ठगीको आरोपमा समातिएका छन् । विराटनगर महानगरपालिका–२० स्थायी ठेगाना भइ हाल काठमाडौं महानगरपालिका–१० बस्ने ३६ वर्षीय उत्सव दाहाललाई प्रहरीले आज समातेको हो ।

अजय वाईवालाई वैदेशिक रोजगारको लागि क्रोएसिया पठाइ दिने विश्वास दिलाएर दुई लाख रुपैयाँ पाएपछि उनी सम्पर्कविहीन भएका थिए । वाईवाले आफू ठगिएको भन्दै वैदेशिक रोजगार विभागमा अजयविरुद्ध उजुरी हालेका हुन् ।

सोही आधारमा दाहाललाई काठमाडौंको माछापोखरीबाट आज पक्राउ गरेको उपत्यका अपराध अनुसन्धान महाशाखाले जनाएको छ । दाहाललाई अनुसन्धान तथा कारवाहीको लागि वैदेशिक रोजगार विभाग बुद्धनगर पठाइएको प्रहरीले जनाएको छ ।