बाख्राको खोरभित्र ५ वर्षीया बालिका बलात्कृत

एक किशोरले पाँच वर्षीया बालिकालाई एक जबरजस्ती करणी गरेका छन् । केपिलासगढी गाउँपालिका ४, बाक्सिला घर भएका १६ वर्षीय किशोरले ती बालिकालाई बाख्राको खोरभित्र मुख थुनेर करणी गरेका हुन् ।

किशोरले आफ्नै घरमा खेलीरहेकी बालिकालाई गत मंगलबार दिउँसो ललाइफकाई बाख्राको खोरमा लगेर बलात्कार गरेको प्रहरीले जनाएको छ ।

उक्त कुकृत्य बालिकाकी आमाले देखेपछि भागेका आरोपी किशोरलाई सप्तेश्वरबाट हिजो प्रहरीले पक्राउ गरेको छ । उनलाई इलाका प्रहरी कार्यालय बाक्सिलाबाट खटिएको टोलीले लुकिछिपी बसिरहेको अवस्थामा पक्राउ गरेको हो ।

उनीविरुद्ध जबरजस्ती करणी कसुरमा जिल्ला अदालतबाट पाँच दिनको म्याद थप गरिएको छ । प्रहरीले किशोरलाई निगरानी कक्षमा राखेको बताइएको छ ।