किराना पसलका साहुजीको साथमा पेस्तोल
पसलमा लुकाइएको पेस्तोल र गोलीसहित एक जना पसले समातिएका छन् । सर्लाहीको हरिवन नगरपालिका ११ बस्ने छोटेलाल दासलाई आज प्रहरीले पक्राउ गरेको हो ।
उनले पसलमा लुकाएर राखेको एक थान पेस्तोल र एक राउन्ड गोली बरामद गरिएको प्रहरीले जनाएको छ । ४३ वर्षे दासलाई सुराकीको आधारमा प्रहरीले अवैध हतियारसहित नियन्त्रणमा लिएको हो ।
दासले हरिवन बजारमा किराना पसल सञ्चालन गर्दै आएका छन् । उनले सञ्चालन गरेको किराना पसलमा खानतलासी गर्दा उक्त हतियार र गोली फेला परेको हो ।
उनलाई नियन्त्रणमा राखेर थप अनुसन्धान भइरहेको जिल्ला प्रहरी कार्यालय सर्लाहीले जानकारी दिएको छ ।
टिप्पणीहरू