पुल वरपर लागुऔषध कारोबारी
झापाको मेचीनगर नगरपालिका–६ मा रहेको मेची पुलबाट लागुऔषधसहित दुई जना समातिएका छन् । हिजो साँझ प्रहरीले दुई जनालाई खैरो हिरोइन १३ ग्रामसहित पक्रेको हो ।
लागुऔषध नियन्त्रण ब्यूरो, झापाका अनुसार भारतबाट नेपालतर्फ आउँदै गरेका मेचीनगर–१० का ३१ वर्षीय प्रदीप आलेमगर र मेचीनगर–८ का २० वर्षीय प्रशन्न राजवंशी सीमानामा रहेको पुलबाटै समातिएका हुन् ।
प्रहरीले चेकजाँच गर्दा उनीहरूको साथबाट लागुऔषध १३ ग्राम, मोबाइल २ थान र तीन हजार रुपैयाँ बरामद भएको हो ।
लागुऔषधसहित पक्राउ परेका उनीहरूलाई इलाका प्रहरी कार्यालय काँकडभिट्टाले थप अनुसन्धान गरिरहेको छ ।
ट्रेन्डिङ पोस्ट
टिप्पणीहरू