कुस्त पैसा बोकेर नेपाल छिरेका दुई बिहारी वीरगञ्जबाट अघि बढ्न सकेनन्

स्रोत नखुलेको नगदसहित पर्साबाट दुई जना समातिएका छन् । वीरगञ्ज महानगरपालिका–१६, रजतजयन्ती चोकबाट २० लाख रूपैयाँसहित प्रहरीले उनीहरुलाई हिजो पक्राउ गरेको हो ।

पक्राउ पर्नेमा भारतीय बिहार राज्यको मोतिहारी जिल्लास्थित रक्सौलका २८ वर्षीय संजित कुमार र २४ वर्षीय अनुराग मिश्र हुन् ।

यस सम्बन्धमा थप अनुसन्धान भइरहेको प्रहरीले जनाएको छ ।