असारमा जोत्नुपर्ने गोरुलाई पुनले छप्काए
पर्वतमा गोरु काटेको आरोपमा एक जना समातिएका छन् । जलजला गाउँपालिका–१, बाँसखर्कको बिदारे बस्ने ३१ वर्षीय यमबहादुर पुर्जा पुन पक्राउ परेका हुन् ।
प्रहरी चौकी वारीबेनी पर्वतबाट प्रहरी सहायक निरीक्षक बिराज ढकालको कमाण्डमा खटिएको प्रहरी टोलीले गोरु काट्ने कार्यमा संलग्न पुनलाई पक्राउ गरेको हो ।
पुनलाई हिजो पशु सम्बन्धी कसूरअन्तर्गत गाई, गोरु कुट्न वा मार्न नहुने शीर्षकमा दायर गरिएको मुद्दामा पर्वत जिल्ला अदालतबाट चार दिनको म्याद थप गरिएको हो । सो सम्बन्धमा आवश्यक अनुसन्धान भइरहेको प्रहरी निरीक्षक राजेन्द्र अधिकारीले जानकारी दिए ।
ट्रेन्डिङ पोस्ट
टिप्पणीहरू