रिसोर्टमा बम बिस्फोटपछि राष्ट्रसंघीय सुरक्षा परिषद् बैठक माग

इराकले आफ्नो उत्तरी प्रान्त दुहोकको एउटा रिसोर्टमा बम बिस्फोटपछि राष्ट्रसंघीय सुरक्षा परिषद्को आकस्मिक बैठक बोलाउन माग गरेको छ ।

इराकी विदेश मन्त्रालयका प्रवक्ता अहमद अल–साहफद्वारा जारी विज्ञप्तिमा भनिएको छ, ‘मन्त्रालयले संयुक्त राष्ट्रसंघीय सुरक्षा परिषद्लाई टर्कीको आक्रमणबारे छलफल गर्न तत्काल बैठक गर्न अनुरोध गरेको छ ।’

आक्रमणमा नौ सर्वसाधारणको मृत्यु भएको बताइएको छ । टर्कीले गत बुधबार इराकको अर्ध स्वायत्त क्षेत्र कुर्दिस्तानको दुहोक रिसोर्टमा आक्रमण गरेको इराकको आरोप छ ।

तर अंकाराले इराकको आरोपलाई अस्वीकार गरेको चिनियाँ समाचार संस्था सिन्ह्वाले जनाएको छ ।