२१ वर्षेले रक्सी पसल फोडे
धनुषाको एउटा रक्सी पसलमा चोरी भएको छ । जनकपुर उपमहानगरपालिका २, कदमचोकमा रहेकोे खुश्बु कोल्ड स्टोरमा चोरी भएको हो ।
रक्सी पसल चोरी गरेको आरोपमा एक युवक पक्राउ परेका छन् । कमला नगरपालिका, ५, लग्मा घर भई हाल सोही स्थानमा डेरा गरी बस्ने २१ वर्षे मनोज यादवलाई चोरीका सामानसहित नियन्त्रणमा लिइएको प्रहरीले जनाएको छ ।
पसल तोडपोड गरेर युवकले अस्ति राति रक्सीलगायत सरसामान चोरेका थिए । पसल चोरी भएको खबर प्रहरीले हिजो मात्र थाहा पाएको हो । जिल्ला प्रहरी कार्यालय धनुषाबाट खटिएको प्रहरी अधिकृतसहितको टोलीले आरोपी यादवलाई उनको डेराबाटै पक्राउ गरेको हो ।
टिप्पणीहरू