कम्मानको झोलामा डेढ किलो बढी यार्सागुम्बा र कस्तुरी विना
दार्चुलामा यार्सागुम्बा र कस्तुरीको विनाससहित एक युवक पक्राउ परेका छन् । महाकाली नगरपालिका ८, अशिगडाबाट यार्सागुम्बा र कस्तुरी विनासहित कम्मानसिंह बिष्टलाई आज प्रहरीले नियन्त्रणमा लिएको हो ।
व्यास गाउँपालिका ४ सुनसेरा बस्ने ३३ वर्षीय बिष्ट बसमा महेन्द्रनगर जान लागेका थिए । ना. ७ ख ६३७२ नम्बरको बसमा सवार उनलाई प्रहरीले जाँच गर्ने क्रममा उनको झोलाबाट यार्सागुम्बा र कस्तुरीको विना फेला परेको हो ।
प्रहरीका अनुसार बिष्टको साथबाट एक किलो ६ सय ग्राम यार्सागुम्बा र एक थान कस्तुरीको विना बरामद गरिएको छ । उनलाई आवश्यक कारवाहीको लागि वन डिभिजन कार्यालय, दार्चुलामा बुझाइएको छ ।
टिप्पणीहरू